前晚往梁詠琪演唱會捧場的圈中人極多，包括許冠傑（Sam）夫婦、林建名與女兒林煒珽、杜麗莎、傅穎、陳美玲、黃珍珍和戴夢夢等，早年阿Sam監製的舞台劇《仲夏夜狂想曲》，令GiGi和鄭伊健一吻定情，前晚GiGi說：「多謝阿Sam嚟，冇乜見佢睇人哋嘅騷，佢好錫我。」
老闆讚熟女
投資者大名娛樂老闆林建名在機場富豪酒店舉行慶功宴時，送上86年的Lafite紅酒給GiGi，寓意她又香又醇，他說：「呢個演唱會都算好突破，識咗梁詠琪9年，都大個女，由佢初出道嘅斯文淑女到𠵱家，都算係熟女，可以喺台上突破，好成功，佢性感得嚟都唔cheap，露唔緊要，每個人都有自己身體，總之肢體動作靚咪得咯。」然後他又笑言：「有啲男仔鍾意高瘦，唔使好凹凸，我成日帶啲女朋友身材都唔係呢種，就知我鍾意S身形啲嘅女仔。」