如果讀者年內一直留意本欄，應知星俠曾於年初時預言大陸加息最多三次。豈料大陸經濟真係勁到無倫，人行至今出手達六次之多，比年初預言的加息三次還多出一倍，星俠承認自己都始料不及。
不過，大陸市場對加息似乎十分受落，讀者們若有資料在手，不妨回顧一下，年內人行每次加息，內地股市在加息後第二日多數都係上升，像對上三次9月15日、8月22日及7月21日加息，大陸A股都係在加息後第二日上升。昨日情況亦一樣，深滬股市俱見上升。
港股昨日亦顯著造好，可惜收市仍未能重上10日線水平，以27626報收，而且成交雖見增加，卻也不過只得833億元，大市走勢雖似出現「雙底」回升姿態，但因成交未夠，暫時只能當反彈看。
兩電加價順利通過，兼且打工仔普遍會獲得加薪，星俠認為別具象徵意義，反映通脹加負利率年代重新殺入香港，由於港元與美元掛鈎，人民幣持續升值，令港元貶值，「港元越嚟越唔值錢，有樓趁早買」概念又再抬頭，本港地產股昨全面上升，整體現象值得關注。
挑戰31.25元
剛推出海濱南岸的新世界發展（017），預計截至08年6月底止年度還會推出另外四個物業項目，料集團可受惠樓市升勢，昨日升勢配合成交，股價重上10日線，料可順勢挑戰52周高位31.25元。