報警告發母親虐打這「絕招」，藝人林曉峰（阿Lo）早在30年前已耍過。其姊林珊珊年初接受本報訪問時透露，阿Lo從小很黐媽咪，一天媽咪作狀打他，他居然去了警署要報警拉媽咪，氣得媽咪哭了，但自此之後，媽咪便沒有再打他。
阿Lo昨日接受查詢時支吾以對，「當時話報警都係講吓啫，件事發生喺我6、7歲時，𠵱家我邊記得當時點諗呀！其實我同父母關係好好，自己都做咗爸爸，好明白佢哋點諗。」
和子女講道理
林曉峰和太太康子妮育有兩名分別3及4歲的兒子，對於有11歲小朋友被母親責打後報警，他認為現時父母太過尊重小朋友，又經常有專家聲稱對小朋友不可以如何如何，所以父母越來越難做。
「我其實贊成舊式教育，不過以前嘅父母唔會讚小朋友，驚佢哋驕傲，但我會讚佢哋，明明做得好，點解唔讚？其實同仔女最緊要溝通，細路仔3、4歲開始，我就當佢哋係大人，前晚鄭丹瑞嚟我屋企，話點解我個仔講嘢咁似大人，就係因為我成日同佢哋講道理。」
本報記者