大半生奔波勞碌養育子女的63歲工人林金泉，原打算在地盤多幹一年半載便退休，惟未及退休享兒女福，於四日前慘遭橫禍，由元朗住所前往上班途中，在媽橫路遭一名冷血司機撞斃。死者遺孀阿蓮痛斥「兇手冇人性」，肇事後不顧而去。目前阿蓮與三名子女愁對殮葬費，蘋果日報慈善基金即時撥款2萬元助林家解決燃眉之急。
蘋果基金撥款2萬
雖然開工不足，任職地盤散工的林金泉仍將大部份薪金交予妻子作家用。阿蓮形容丈夫顧家，又愛惜家人。「佢慳自己，唔會慳屋企。仔女由細到大想要乜，佢都會儲錢買畀佢哋，反而好少買嘢畀自己。𠵱家辦身後事，喺屋企都搵唔到有啲乜嘢係佢生前鍾意嘅遺物燒畀佢。」
與丈夫感情要好的阿蓮，無法接受丈夫離世的事實，「佢冇病冇痛，突然就咁去咗，叫我點接受!」在旁幼女阿兒訴說，對一向小心謹慎的爸爸命喪輪下，感到不解，「佢平時同我哋出街，都唔會衝紅燈，好小心過馬路，真係冇諗過佢會畀車撞死。」兩母女頓時抱頭痛哭。
阿蓮記得丈夫生前曾向幼子說，「我年紀大，就嚟冇人請，做多一年半載都退休，以後屋企靠晒你哋。」無奈三名年齡由22至26歲的子女均屬長期散工，或剛找到工作，未及報答父親劬勞之恩，父親已離世，深感內疚。
目前一家四口仍為殮葬費苦惱，蘋果基金即時發出2萬元緊急援助金予阿蓮，先行為亡夫辦理身後事。死者子女希望警方盡快將冷血司機緝拿歸案，讓父親死得瞑目。
捐款編號：C2470