陳豪、徐淑敏和楊怡昨日應邀到將軍澳東港城為全新開業的大型超巿TASTE擔任開幕嘉賓，三人在場試食新推出的「森之卷」，然後進入超巿內參觀，到海鮮櫃位時，楊怡大膽地徒手拿起活象拔蚌向着陳豪，隨後她又到水果攤位，拿起檸檬請陳豪食，其後陳豪即回敬苦瓜亁零食給兩位女拍檔。
食檸檬當磨練
陳豪在攤位揀水果時經驗十足，他直認是住家男人，他說：「我鍾意行超巿買嘢煮嘢食，唔識嘅就問啲師奶學吓嘢，最拿手係煮牛扒同青口，不過只係煮畀屋企人食過。」被楊怡請食檸檬，陳豪風騷地說：「人生充滿波折，有邊個男人冇食過吖，我都好耐冇食生果，只知近期要多食維他命，好多人病。」似乎愛情方面春風得意。
此外，徐淑敏是一位蛋糕迷，曾試過一日來回超巿五趟買材料，問到男友可有口福品嚐她的手勢時，徐淑敏說：「未試過，反而我哋好鍾意出街試啲唔同食物。」
採訪、攝影：卓寶花