早幾日放假喺屋企休息睇立會直播，講「煲呔」政改單嘢，真係哭笑不得！哭，因為堂堂一區之長反口覆舌，履行唔到「我要做好呢份工」嘅承諾；笑，班泛民不斷批評對牛彈琴，兩位司長冷眼旁觀。
不過最正係「前綫劉」一招迫虎跳牆，話如果「煲呔」係都抽唔到時間見佢哋，普天同慶嘅聖誕隨時變成官迫民反嘅節日！結果係點？第二日朝早「煲呔」咪死死氣接見一班「異見分子」囉！呢招「拋字訣」，唔係，應該係「凶字訣」用得好、用得妙，人就係咁犯賤好聲好氣唔會聽！
講完呢單嘢，無非想話不自量力嘅人淨係識空口講白話，例如英超嘅曼城，季初打得好，係，不過請問你遇到真對手未？贏曼聯，時也運也！到𠵱家我依然認為艾歷臣冇料，所以今晚作客阿士東維拉必敗走！
讓球：阿士東維拉（上）
心得：艾歷臣真係冇料到
近5場往績：贏輸輸輸輸
賴恩
以小博大，務求打破上季命中逾千倍波膽過關紀錄！續拒雞肋回報！