禮拜日同老友大頭去幫襯嗰間標榜用有機材料整嘅漢堡包店，叫咗兩個包加嘢飲，埋單要成130幾蚊。雖則啲用料好新鮮，但味道真係好一般，同個價錢完全唔成正比。咁啱戰友吾中都喺嗰日去呢間店食嘢，佢嘅意見同我一樣，覺得俾人搵笨。或者咁講，我同吾中都中晒老麥毒，近排仲超迷戀30蚊有找嘅「至尊雷力」，畀成嚿水食個包，梗係覺得唔抵。
聽日英超曼聯迎戰愛華頓，愛華頓「弗」到爆，連贏10口盤，但唔信佢哋可以再贏落去，一於要曼聯「主勝」，提早送份聖誕禮物畀球迷。
讓球主客和：曼聯勝[-1]
心得：愛華頓係時候斷纜
近5場往績：輸贏輸輸贏
青蛙仔
睇德國波同埋英國波大，大個之後攻埋日本波，兼且對日本藝能界幾有研究。