亞視處境新劇《十六不搭喜趣來》前晚拍攝一場影壇大亨莊文華的榮休晚宴，扮嘢泰斗盧海鵬一人扮演「董伯伯」及「吳方安心」到場祝賀，他在戲中雖然一人分飾6角，但自言應付自如，未有因而感到吃力。
亞視處境新劇《十六不搭喜趣來》透過藝人扮嘢來玩盡娛樂圈及政壇巨星，不少角色造型神似，令人笑爆嘴，前晚亞視便於大埔總台拍攝一場影壇大亨莊文華的榮休晚宴，將前嘉禾集團主席鄒文懷早前宣佈退休一事擺上螢光幕。雖然未見扮演主角莊文華的藝人出現，但一班扮嘢泰斗如盧海鵬就一人分飾兩角包括「董伯伯」及「吳方安心」到場恭賀。
「福祿壽」惹笑
至於戚黛黛跟伍偉樂分別飾演老翻張栢芝「姜拍詩」及老翻謝霆鋒「謝成風」，張文慈扮演老翻狄娜「Tina」，快必、林偉及姜皓文則將娛圈「福祿壽」三寶曾志偉、譚詠麟和陳百祥演繹成古裝版的「甘智禮」、「藍盛倫」及「陳發揚」，造型惹笑。
扮演老翻張栢芝的戚黛黛，問到可會模仿栢芝早年的發癲言行，黛黛表示：「唔使癲，只係扮佢結婚之後，好有母愛。」問到是否需要吸煙，黛黛聞言說：「佢都冇喺鏡頭前食煙。」張栢芝真人愛好名牌，問黛黛是否需要出動私伙，她稱：「未知，要睇公司需唔需要。」對於身材不及栢芝豐滿，問她可需要墊胸上陣，黛黛謂：「未有咁嘅需要，因為都唔會騷個胸出嚟。」
張文慈變密實
在戲中一人分飾6角的鵬哥，問他覺得扮誰最困難，他說：「冇乜難唔難喎，我都唔知扮邊個最難，最緊要啲人覺得你似唔似之嘛。」問他可擔心被指醜化所扮的藝人，鵬哥續稱：「驚就唔使做啦，唔係醜化係誇張，先有喜劇效果，扮女人除晒衫先叫醜化。」
至於扮演狄娜的張文慈衣着密實，問她可會覺得浪費了驕人的身材，她稱：「唔好講浪費我身材，開頭係諗住搞笑加少少性感。」
採訪：王崇穎
攝影：仇志德
