湯盈盈入行以來只有兩段情，包括前男友Marcus和圈外健碩男，可惜仍是分手收場。踏入32大關，圍繞盈盈身邊的異性由大隻佬變中年漢，先是早前在台北「姣攬」西裝友，之後又被拍得有中年四眼觀音兵獻殷勤陪她逛商場，單是這兩幕足以捧她成為「中坑殺手」。
感情曾遭介入
盈盈笑道：「行商場嗰日，我朋友個老婆都喺度，至於台北嗰次，其實佢哋成班都係我喺加拿大讀書嗰陣識嘅台灣朋友，最近有舊同學結婚，所以咪約埋一齊囉。因為大家太耐冇見，所以先至攬住啫！話我朋友係中坑，搞到冇人敢同我行街喇！」
在螢幕上常演第三者，但現實中的盈盈卻從無「不良紀錄」，倒是男友身邊試過出現介入者：「嗰陣男友個舊女友搵番佢，但男友冇同我講。當時我問佢係咪有嘢要同我講？佢話冇，我就話：『最好你自己講，唔好要我講我知道乜嘢。』」最後男友和盤托出，前女友確有復合之意，但他不敢跟盈盈說。
不求結婚生仔
早前與健碩男五年情終結，盈盈坦言感情生活仍一片空白：「每次拍拖我都想段關係可以長遠發展，都有諗過結婚，但𠵱家唔會諗住，始終結婚生仔係好個人嘅事，我覺得自己仲細個，遲啲先。」
盈盈續說：「以前追求fantastic，感覺好嘅就會即刻舂個頭埋去，但𠵱家就唔會。」有指盈盈近年收起性感，問她是否男友意思？她說：「唔係！性感冇問題，女人應該有sexappeal至得！」