宣萱最近在新加坡拍劇甚少返港，前晚她與LisaS.、AnaR.在圓方宣傳MicheleWatch新店開幕，由於兩女模高宣萱近半個頭，三女合照時，變了一個「凹」字，LisaS.及AnaR.即鬼馬屈膝，場面搞笑。
獅城工作增磅
早前有指宣萱在新加坡拍劇時中英夾雜，表現欠佳，她說：「拍處境劇要捉個節奏，用廣東話都好難，何況英文，可能我英文差兼顧唔到，其實每日開工都好大壓力，都係以前TVB舒服啲。」雖說辛苦，但宣萱仍拍第二季，她說：「呢度環境好啲，食得好、瞓得好，我上個season肥咗八至十磅。」提到蔡少芬嫁杏有期，宣萱說：「我聽佢結婚，第一個感覺係開心，第二個感覺係『唉，又少一個陪我』，𠵱家雖然冇拖拍，不過我有信心會嫁得出。」
採訪：梁錦雯
攝影：陳偉權
