前晚〈拉闊足球場〉，亦敵亦友嘅讀者Ringo一上節目即刻慣性同我「單挑」，問我做乜咁縮骨，自稱AC躉但只吼打吡賽和波，而唔敢博AC贏？貼波佬，理智、情感之間，我揀前者。
我當時回應：「馬會開國米讓平/半，貼和波（下盤）已係撐AC。」鬼唔知貼AC贏型啲咩，但AC兵疲多老將，要贏國米始終有難度，信佢不敗，首選下盤最好路，而我貼和波波膽，主客和計博D亦好分，視乎你點賭。如果餐餐盲目貼自己愛隊，唔止荷包受罪，隨時份工都無埋（哈哈）。不過，Ringo兄，情感上我撐硬你AC贏嘅。
讓球：AC米蘭（下）
心得：聖誕，梗係捧紅衫
近5場往績：贏贏輸贏輸
藍鑽石
忙於為與簡拿華路同日生的囡囡換片、掃風，但睇意甲，一場都不能少。