我自問係一位相識滿天下的人，聖誕節咁普天同慶，梗係揀個心水靚場地包起佢，叫晒班Friends一齊搞個私人Party，飲飽食醉至夠盡興。呢幾日搜羅了幾間可以包場的心水餐廳，要ResortFeel食住Grill又得、要HomeFeelHea住玩潮Game亦得、又有包飲包食國際小吃。仲有幾日，快啲爭取時間Book場啦！
記者：劉慕霞
攝影：楊錦文、陳陶鈞
Models：Kitty、Algie、Ivan、Benson@PureModels
峇里風情炭爐BBQ
放假就想飛去泰國Resort，要Hea其實去元朗都得！元朗泰屋裝修好有ResortFeel，地下有幾間小草屋，仲有BarArea，可容納約150人，一樓都坐到70人。最盞鬼係每晚6點會Set個海鮮市場，Show晒來自東南亞嘅魔鬼魚、阿拉斯加蟹腳、特大扇貝等海鮮，還有羊扒、牛仔骨、鴕鳥扒等。揀好後，泰籍廚師會即場炭燒，仲配秘製泰式醬汁！另一邊則有咖喱Corner，印度師傅即製NaanBread、Tandoori燒肉等。一樓景致欠奉，但有42吋Plasma、音響設備等，夠晒Privacy。
鮮胡椒金不換爆大花蝦
新鮮大花蝦啖啖肉，以泰國新鮮胡椒代替普通胡椒炒香，還有金不換的香草味，辣味不太重，容易接受。
鴕鳥肉炒泰國蘆笋
蘆笋用蒜茸爆香，鴕鳥胸肉則以泰式胡椒和辣椒絲兜熟，醬汁似港式豉椒汁，香口辛辣味突出，肉質腍有質感。
炭燒珍寶大蜆
足四吋的大蜆以蒜茸牛油燒製，蜆肉味濃又肥厚，吃落幾Creamy。
印度香草烤羊髀
羊髀重4磅，用七種印度香料醃了半天，以錫紙包着用Tandoori烤爐烤足半個鐘而成，蘸薄荷乳酪汁，減去不少羊肉的羶味。
a.海鮮市場有過20款食材，自己揀，好有買餸Feel。
b.揀好心水食物，師傅會用炭爐燒製，幾有風味。
c.印度師傅在半開放式咖喱屋即席炮製NaanBread。
泰屋（31470338）
地址：元朗坳頭東成里1號（新港酒店後面）
收費：4小時，一樓套餐（九道菜）$280/位、自助餐$380/位，50人起；地下套餐（九道菜）$500/位，100人起
返屋企狂打機
唔鍾意出街蒲，想喺屋企同班Friend一齊打機傾偈，可惜屋企得豆腐膶咁大，可以試試去SmallPotato薯仔屋。薯仔屋係上樓Cafe，裝修好有家的感覺。至正係遊戲玩意多，有懷舊玩具、至Hit的Wii、還有足球機和麻雀等，包場時段以3個鐘計，可容納40人，負責人更會同你安排集體遊戲同抽獎。店主曾於多倫多當廚師近6年，食品當然有番咁上下，食物主打英美意菜式同小食，全部經店主精心設計，算幾有誠意。
粉紅佳人（左）、冬之夕陽（右）
粉紅佳人用士多啤梨、蘋果同蜜糖混成，甜得來味道天然；冬之夕陽則以蜜桃、橙和菠蘿汁製成，清香宜人。
英式全隻香草烤焗燒雞
近4磅重的英國入口雞，以香草醃足一晚，焗後散發出陣陣香草味，難得肉質仍保滑嫩，撕開雞髀還會標汁！
凱撒沙律（左）、吞拿魚長通粉沙律（右）
凱撒沙律以特級初榨橄欖油入饌，混合黑及青水欖、四種芝士，層次豐富。吞拿魚沙律較大路，頗受歡迎。
SmallPotato（28904884）
地址：銅鑼灣新會道4號4字樓
收費：3小時，$238-$398/位（12月21日至08年1月1日），6點前派對每人減$50
Clubbing鬼 任玩7粒鐘
若然你班酒肉朋友，鍾意摸住酒杯底的話，不妨落Bar慢慢嘆。LuluRestaurant&Bar有各式東南亞小食，一個最低消費就可以全個Menu任你點。全場1,400呎可容納最多90人，7小時任玩，平安夜和除夕更特別安排了DJ打碟，可以狂歡番晚！
Gentleness（左）、StrawberryMojito（右）
Gentleness用清酒、奇異果酒等混成，很Soft；鍾意Fruity啲的話，可試甜甜哋嘅StrawberryMojito。
雜錦多士拼盤
多士包括番茄、牛油果、煙三文魚同法國布里芝士，較健怡又唔油膩。
蝦多士（前）、孑然羊肉串（後）
蝦膠和原隻鳳尾蝦炸成的蝦多士，鮮味過人；羊柳肉串略醃，嫩滑又惹香。
Lulu（23120468）
地址：尖沙嘴河內道5至6號地下2號舖
收費：7小時，最低消費$30,000
備註：12月24日及31日10:00pm至4:00am有DJ駐場打碟。