曾演唱過《前程錦繡》和《獅子山下》等經典金曲的殿堂級歌星羅文（原名譚百先），02年因肝癌病逝；在即將播放的《不死傳奇：羅文》特輯中，羅文胞姊及好友將細訴羅文生前點滴，其中阿姐汪明荃更慨嘆羅文死得太早：「佢呢種人才呢種質量，應該要畀更多人欣賞到至係。」
為配合十大中文金曲30周年紀念，香港電台特別製作了《不死傳奇》電視特輯，透過經典片段及家人好友的訪問片段，讓觀眾再次回味羅文、梅艷芳、張國榮、陳百強、鄧麗君及黃家駒六位樂壇閃爍巨星的風采。
為藝術不計成本
首集《不死傳奇：羅文》將於明晚無綫播出，由羅文生前好友林珊珊任主持，而昔日跟羅文合作無間的汪明荃、關菊英，甚至退隱娛樂圈多年的電視台花旦歐陽佩珊和羅文胞姊譚文玉，也罕有地接受訪問。
汪明荃在訪問中說：「羅文勇於嘗試，希望藝術上有新嘅道路。演《白蛇傳》話劇時，我同米雪都希望裝身靚啲，佢二話不說就畀我哋最好，嗰陣時冇咁多贊助，羅文當然係自己攞錢啦。以前喺廣州天河體育館，佢演粵劇，好多人嚟睇，但佢賺唔到錢，佢呢種人才呢種質量，應該要畀更多人欣賞到至係，所以我話佢死得太早。」
小時候展現天份
而歐陽佩珊則說：「喺東華三院一個籌款晚會裏面，羅文選咗段粵劇折子戲同我演，係《柳毅傳書》其中一節，後來佢先至搵我演《柳毅傳書》舞台劇。佢好認真，要睇過我哋表演、喺外邊收收風先至拍板搵我演舞台劇。」
至於羅文胞姊譚文玉也說：「我哋父母經常帶我哋去睇美國電影同粵劇，就係咁對羅文影響好深。有次睇完《出水芙蓉》呢部荷李活歌舞片，羅文返到屋企就跳，我哋叫佢『扭屎忽花』。好多時人哋叫佢唱首歌，佢就完全唔怕醜咁又唱又跳起上嚟。」
撰文：戴彩煥
