上星期早聞風《色，戒》會星期尾到，卒之趕到噚晚到貨！主要分做普通版（$141）同珍藏DVDBoxSet限量版（$320）。大家都係玩雙碟DVD，內容完全一樣，話明一刀不剪，大家香港戲院睇幾多，DVD裏面原汁原味睇番晒，音效方面係行到盡嘅DTS-ES，都算有交代。特別收錄有演員/導演介紹訪問、幕後花絮、預告片、相片集、廣告等，雖大路，但都叫齊。限量版多咗本A4度《色，戒》電影書、日曆同手抽袋，完全Fans導向，雖然薄咗啲，但都係唔買唔安樂嗰隻！
