薛凱琪（Fiona）近數月來一直留在台灣錄音，就連聖誕節也未必能回港與家人朋友共度。不過她日前抽空返港時，便與師弟周柏豪焗製聖誕曲奇，送給唱片公司的工作人員，柏豪更一早預備了一份自己設計的小禮物送給師姐。
薛凱琪多年來都是在香港慶祝聖誕，不過今年她可能要獨自在台灣度過，因為她要繼續為新大碟錄音，Fiona說：「咁大個女都係第一次喺第二個地方過聖誕，其實我最鍾意香港嘅聖誕氣氛，每年我都會花好多時間同心思去揀禮物送畀家人同朋友，因為我覺得聖誕有禮物拆係好開心嘅一件事。」
喜看親友拆禮物
原來Fiona喜歡送禮物的習慣是來自其父親，她說：「我阿爸都係一個好鍾意買禮物嘅人，自小任何節日我都會收到佢好多份大大小小、有平有貴嘅禮物，佢話好鍾意見到人拆禮物嗰個開心樣，所以我都畀佢感染咗。」
至於周柏豪則自言喜歡DIY禮物，他表示以往曾親手炮製朱古力及摺紙公仔送給女友，又試過為家人下廚煮聖誕大餐，今年他更親自設計了一些小禮物送給Fiona及工作人員，他說：「我爸爸係開手袋廠嘅，所以我就設計咗一啲散紙包，叫阿爸幫我整嚟做聖誕禮物。」
採訪：李珮洳 攝影：陳偉權
化妝：KrisWong、JessicaChan
髮型：JohnChung@Headquaters、
JoLam@TripleEdge
