韓君婷、扒女李依琳及AnaR.昨日在黃埔出席「甜蜜聖誕朱古力奇藝屋」，扒女坐朱古力凳時小心翼翼，而韓君婷捧朱古力時則沾到一頸朱古力碎。
備受體重問題困擾的韓君婷昨日看來增磅不少，但她謂仍未能勇敢面對傳媒，她說：「唔係話怕大家亂寫，係我要平衡自己心情，保護自己。因為我都未復原得晒，心靈仲係好脆弱。」提到拍拖可放鬆心情，她說：「冇，我對上一次拍拖已經係三年前，𠵱家自己情緒都係波動大，唔適合。」
扒女思想似阿婆
扒女李依琳則透露對下月22歲感到驚慌，她說：「好驚！22歲喇，我思想已經好似68歲咁，成日好似祖母咁照顧人哋。」問扒女未來的事業方向時，她說：「我希望盡自己能力，改變香港電影工業，我好想幫香港電影，因為好多香港藝人都好有潛能。」
採訪、攝影：梁錦雯