港台昨日在將軍澳青年坊宣佈《第三十屆十大中文金曲》金針獎得主為杜麗莎（Teresa），Teresa偕同丈夫和女兒一同出席，愛徒薛凱琪（Fiona）更聯同鄭希怡、鍾舒漫等歌手一同上前吻賀。Teresa感動得眼泛淚光說：「真係開心到食唔落飯，好似發緊夢咁，我自從1977年攞過金曲獎之後就冇攞過獎，呢個係一個鼓勵！」
Fiona出道一年後便跟Teresa學唱歌，她激動得擁着對方說：「老師好好，好戥佢開心，佢唔止係我嘅唱歌老師，仲係我心靈上嘅老師。」
華仔拒領獎
談到現在金針獎候選人好像越來越少，大會總監馮偉棠表示：「其實只要對樂壇有貢獻就有機會提名，好似黃柏高、張耀榮呢啲幕後功臣。其實四大天王只有張學友攞過，我哋有搵過劉德華，不過佢表示喺樂壇仲需要更多努力，所以拒絕咗我哋。」
採訪：胡比
攝影：林德雄