日本舉行完「世冠盃」後，轉由「天皇盃」接力。今午將舉行兩場8強戰，心水推介是大阪飛腳對清水心跳。
飛腳「有前無後，打死罷就」，風格足與德甲雲達不來梅相媲美，加上攻力強勁，剛過去球季踢34場，共入71球，每場平均入2球以上。有J-League「主場王」之稱的飛腳，今戰亦佔有地利，相信在該市球迷臨場打氣下，球員會發揮得更好。
清水心跳近10年4度殺入決賽，可惜3次屈居亞軍！雖然心跳近況不俗，但在客場卻表現失準，5戰只曾1勝，當中4仗更是食白果收場，今戰要遠赴大阪巿作賽，難免看淡。為免嚇至「心跳過速」，寧取飛腳。
意甲本周後歇冬，我都揀番場巴勒莫對拉素。巴勒莫古杜連上任後，先後擊敗費倫天拿及阿特蘭大。相反拉素今季為應付雙重戰線，作客至今只曾挫利禾奴。論近況，巴勒莫明顯勝拉素，今場大可高唱「普世歡騰」。
貼士
主客和：
星期六1大阪飛腳勝（1.67）
主客和2x1：
星期六1大阪飛腳勝（1.67）x
星期日14巴勒莫勝（1.8）
阿鵬
有線球彩台主持
電郵：mailto:[email protected]
Phone波熱線：1831678
開放時間：0:30am至7:00am