畢傑呢排生活好健康，估唔到由一位美國返嚟、好鍾意掛毛巾嘅朋友，促成咗一次聖若瑟書院2D班嘅舊同學聚會。出席嘅點少得我稱之為兄弟嘅雞爺、古基同阿邱戴帽，加埋有啲10幾年冇見嘅同學仔，11個人打邊爐真係好開心。
之前畢傑話上周六要踢記協盃分組最後一場，結果大勝亞洲聯6:2，以首名出線8強。蘋果隊6個入波冇我份俾人寸咗好耐，我都費事狡辯咁多，唔通我周圍同人講，開波冇耐頭兩個關鍵助攻係我交嘅咩？算數算數，低調啲好啲嘅。
聽講8強對手係硬嘢，不過我哋有球星烈仔同康哥喺度，點都唔會驚囉，烈仔呵？畢傑當然好想4強或決賽對X方B，同仁哥、比比佢哋學吓球技都好吖嘛。呢排手風順番，今期推介星期日嘅車路士W，夠分頭。
主客和：車路士勝
心得：車仔水位似
近5場往績：贏贏贏輸贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。