韓國九人女子組合少女時代青春活潑，最近有玩具商打佢哋主意，依照佢哋唱片封套嘅造型，設計咗九個9吋高嘅人形娃娃。公仔由今日開始至出年元旦，喺首爾舉行嘅世界娃娃慶典度展出。少女時代話：「我哋被製作成娃娃模型，感覺好特別，公仔就好似我哋嘅分身咁。」假若展出反應好，玩具商仲會大量生產發售。