上兩個星期講過如果卡卡當選世界足球先生，作為巴西躉嘅筆者肯定開心，結果巴西人雙喜臨門，除咗卡卡當選之外，世界足球小姐都係巴西人，由瑪達當選，森巴足球又一次登頂，認真可喜可賀。
今周最強戲碼肯定係巴塞隆拿大戰皇家馬德里，兩隊都擁有好多世界級球星，但巴西人對決先至係筆者關心，細哨大戰羅賓奴，睇身形兩個唔多似，之但係踢法同樣夠進取，羅賓奴開季到𠵱家表現唔差，朗拿甸奴狀態比起季初時好好多。今周推介曼聯，因為隊波專食愛華頓，今次主場，食硬！
讓球主客和：曼聯勝[-1]
心得：紅魔專食拖肥糖
近5場往績：輸輸輸輸走
戰鬥員A
平手盤捧主隊續係今季宗旨，想避免中鬼盤？留意我阿A啦！