20/12/07.....
微雨
最新動態
只要周日出街逛逛，就知今年市道有幾好；商場迫滿人，買衫買鞋買禮物，好似唔使錢任攞咁，諗住睇3大小生戰爭片，中午去到戲院買定夜晚飛，都係得番頭3行。香港人不愧花錢專家，上半年股市大旺，人人賺錢，呢幾個月熊市嚟到，就轉移資金炒樓炒金，總之唔會停。
小弟冇資本，只希望中番一兩場波仔當搵快錢；英超聖誕加開快車，好多人都話難賭，其實只要捉到中下游球隊心態，隨時搵到食。以一支中下游球隊兵源，佢哋都心諗冇可能贏足3場，選擇性博1、2場有把握嘅仗，攞到5至6分已經有交代。睇賽程，富咸周六主場對韋根，攞3分把握最大，因為之後富咸連打兩場作客，山齊士對球隊作客有幾多料心知肚明，韋根上仗贏布力般，爆埋主其他波膽，其實有啲假象；你睇吓布力般「夫添」打阿仙奴小兵都主場失3球，就知防守有問題。希望周日富咸嘅丹普西、梅菲、大衛希利生生性性，送份聖誕禮物畀我啦！
http://hk.myblog.yahoo.com/footballexperts/
逢周一至五見報
牽牛
英超、意甲、西甲、德甲……一星期有百幾場波，想尋寶，勿濫賭！