好！《英超早飛王》3連勝了！上期熱刺下盤加「細」中到應一應，今周推介好穩陣嘅車路士，嚟緊周日到訪布力般流浪可開W。車仔賠率唔喺1.9倍或以上仲啱心水，反映莊家對佢哋更有信心！畢傑
1〉星期日25 布力般流浪vs車路士
有球迷將布力般改成「暴力般」，全因佢哋踢法好鬼粗野兼硬淨，一般對手經常俾佢哋嚇親。好似布力般嘅沙維治、杜基、莫高拿同艾馬頓咁，就係成日會飛鏟對手嘅球員，攞牌真係家常便飯；只可惜，車仔今場有停賽復出嘅艾辛同佢哋抗衡，加埋約翰米基爾同薛維爾等唔收腳嘅後生仔，講狼？車仔一啲都唔會輸蝕囉！
布力般防線陷崩潰
布力般近況轉沉，近7場聯賽只係贏過1次，防線更開始出現崩潰情況，對上6戰失夠15球。上場作客全英超近況最差嘅韋根，雖然有辛達告魯斯大演帽子戲法，但最後都入埋唔夠輸，反負對手3:5，防線相當牙煙。另外，布力般有守將奧查續養傷，整體實力更弱。更何況，佢哋周中聯賽盃派出強陣迎戰阿仙奴，主力如辛達告魯斯、沙維治、賓尼及摩頓柏達臣等全部踢足至加時共120分鐘，最後仲輸埋2:3，體力、士氣唔輸蝕就有鬼啦！
車路士周中同樣要出戰聯賽盃，但面對遣弱陣嘅利物浦，都叫做輕描淡寫淨勝2:0，如非紅軍門將伊坦積上晒身，車仔大把機會拉開比數。唯一不利消息係有份「士哥」嘅舒夫真高，入波後整傷咗，傷勢雖然唔係咁嚴重，但領隊格蘭為安全起見，可能對布力般會收起舒夫真高喎。
波歷克卡維奴傷癒候命
唔緊要嘅，車仔前線有病完好番嘅比沙路或打正選，後上又有林柏特、祖高爾同胡禮菲臘斯等人，而早前養傷嘅波歷克同卡維奴同樣已在聯賽盃復出，實在無懼「暴力般」，1.85倍單W去馬！
2〉星期六3 阿仙奴vs熱刺
兵工廠燉雞鮑「刺」
阿仙奴周中聯賽盃雖要戰至120分鐘才以3:2擊敗布力般流浪，但尹佩斯、法比加斯、路斯基、希比及高路托尼等主力全部未有披甲，目前僅餘伊保爾及禾確特兩員傷兵，贏波機會極大。熱刺有首席射手羅比堅尼停賽復出，而加里夫巴利、加特拿及伊高圖仍在養傷，但列卡度洛查傷癒可披甲。熱刺近年與阿仙奴交手常被食住，再輸並不出奇。《主隊穩勝》
3〉星期六4 阿士東維拉vs曼城
曼城作客受讓勿沾手
阿士東維拉周中毋須出戰聯賽盃，體力上佔優，今周更或有中場主力柏杜夫趕及傷癒復出，現只餘守將居廸斯戴維斯一員傷兵。曼城周中聯賽盃派出強陣迎戰熱刺，包括傷癒的艾蘭奴、路蘭度比安基、米高莊遜及夏文等要員俱踢足全場，惜最終仍主場以0:2落敗，今周作客阿士東維拉，就算受讓平/半都咪制。《上盤值捧》
4〉星期六5 保頓vs伯明翰
保頓「和局」有信心
保頓近期有傳前鋒安歷卡被車路士及曼聯等大球會挖角，而陣中除希古臣及華斯廸兩射手續養傷外，其餘路蘭、史必、甘普及廸奧夫等主力俱可列陣。伯明翰中堅佐羅仍有傷在身，未知能否趕及周六上陣，至於借將中場奧賓拿則肯定因傷避戰。保頓開出[-1]似乎甚有信心，我會先取1.83倍單W，再另補3.4倍「和局」。《小勝格局》
5〉星期六6 富咸vs韋根
富咸係時候反底
富咸上仗完場前輸掉12碼予紐卡素，終以0:1落敗，致球隊近5戰得1和4負，今周遇上剛「反完底」的韋根，正是取勝良機。富咸今周有門將基拿復出，續缺麥比廸、布拿特、基斯坦禾及伊恩皮雅斯等長期傷兵，但整體賽力勝對手，單W有1.95倍仍值捧。早前13場聯賽不勝的韋根終反底5:3擊敗布力般，賓特及蘭沙特腳風回順，惟作客9戰輸足8場，加上希斯基再傷，難捧。《富咸做嘢》
6〉星期六7 利物浦vs樸茨茅夫
利記樸茅「大」方得體
利物浦周中聯賽盃收起大量主力，包括費蘭度托利斯、馬斯真蘭奴及謝拉特等，而養傷多時的沙比阿朗素亦已復出上陣，現餘下芬倫、賓納及丹尼爾艾格3名傷兵，高治則停賽。樸茨茅夫客場成績勝主場，近6場作客全勝，有力射破紅軍大門。既然樸茅只得守將派密斯養傷，前線的蒙達利及烏達卡亦「弗」，可試1.95倍「大」。《「大」更值博》
7〉星期六8 米杜士堡vs韋斯咸
米堡讓波有風險
米杜士堡近兩場聯賽全勝，包括上輪主場以2:1擊敗榜首阿仙奴；守將安德魯泰萊及後備門將巴利鍾斯仍因傷上陣成疑，前鋒美度亦肯定避戰，要讓韋斯咸平/半確有風險，取下盤穩陣。韋斯咸或有安頓費廸南、般莫廸、艾法寧頓及保耶傷癒復出，而龍格保仍未可趕及在周六上陣，但有柏加及麥克盧保等好手在陣，應可保不敗。《米堡難讓》
8〉星期六9 雷丁vs新特蘭
雷丁近況稍有好轉，近3戰得1勝2和，當中更包括主場以3:1擊敗利物浦；而占士夏柏及奇雲杜里繼續有好表現，料可勝新特蘭全取3分，格連列圖、根拿臣及奧士達則續養傷。反觀新特蘭近況低沉，領隊堅尼亦稱要待至1月轉會市場重開時羅致新隊員，才有望爭取佳績。球隊續缺卡路士艾華斯、諾斯禾菲及羅素安達臣，雷丁1.85倍W頗穩。《雷丁秤先》
9〉星期日6 曼聯vs愛華頓
曼聯近年食住愛華頓，近6次迎戰對手得4勝2和，今周或有加利尼維利復出，續缺朴智星、史高斯及施維斯達等長期傷兵，但以紅魔主場8連勝氣勢，贏波唔難，大炒則或有難度。愛華頓近7場聯賽不敗，除作客守和車路士1:1外，其餘對手戰力一般，或難作準，至於奧士文、巴尼斯、史杜比斯及伊恩端納料缺陣，博僅敗開「和局」。《紅魔小勝》
10〉星期日8 紐卡素vs打比郡
紐記「主勝」「打」唔甩
紐卡素近況同樣有好轉，近3戰得2勝1和，其中主場迫和阿仙奴1:1表現甚佳。今周紐記或有守將史提芬泰萊復出，續缺奧雲、卡爾及拉美治等人，但仍相信可大炒打比郡。客軍近月未見起色，11場聯賽不勝外，對上7戰亦連敗；今場雖或有艾禾菲復出，但看他們的頹勢，扒冷仍不是時候，正路取紐卡素[-1]的1.95倍「主勝」。《「主勝」加「大」》
周末早飛超級重心
《英超》
星期六3
阿仙奴vs熱刺
入球大細：阿仙奴大
星期六6
富咸vs韋根
讓球：富咸（上）
星期日6
曼聯vs愛華頓
讓球主客和：曼聯和[-1]
星期日25
布力般流浪vs車路士
主客和：車路士勝