21/12/2007.....
天晴
最新動態
最近政壇兩大熱門新聞，「森哥」拍枱鬧「糖糖」，同埋前旅發局總幹事巨額醫療保險風波；睇見呢個臧小姐理直氣壯咁講，身為打工仔，好應該為自己及家人爭取最大福利；目標係正確，不過手段又係唔係光明正大呢？
講開打工，英超領隊呢份工，肯定比旅發局壓力大得多；睇睇周中歐洲各大盃賽，西班牙、意大利班霸，大部份半力出戰，國米除咗馬特拉斯、基斯普2、3位外，直頭見都未見過。英超呢，連英聯盃呢個之前3等盃賽都打到飛沙劈石，車路士接近「夫添」出擊，阿仙奴同利物浦都有人做紅牌阿姑。鬼咩，就算計埋歐聯，big4一隊一個先啱啱夠分，仲有西班牙盃王拉莫斯嚟搗亂大局，英超領隊為保份工，真係冇咩邊場係風流波，睇嚟佢哋先比較需要巨額醫療保險！
周五戲碼一般，有啲心水嘅德甲同德乙又歇冬，荷甲呢排暴冷暴熱，都係怕怕，留番精神同子彈，周末出擊好過。
牽牛
英超、意甲、西甲、德甲……一星期有百幾場波，想尋寶，勿濫賭！
http://hk.myblog.yahoo.com/footballexperts/
逢周一至五見報