甲都歇冬，08年先同大家再見；通常呢啲情況都係捧主隊，事關球員難免都有放假feel，不過主隊起碼要向球迷交代，點都唔可以太輕率。
意甲嘅羅馬，近期攻力可謂跌晒watt，聯賽連和兩場，如果再失分，唔好話追國米，甚至畀祖記過埋，連第2都保唔到。
羅馬今仗就有泰廸停賽復出，托廸意大利盃免役，養精蓄銳今仗搏殺，森多利亞近期後防失波失到暈，上仗領先之下，俾費倫反勝，今仗更有卡斯辛奴停賽，未能倒戈；以上季羅馬主場大勝森多4:0，今次再追呢個半冷膽。
黃色潛艇靜靜起革命
同日西甲大家集中在巴塞隆拿對皇家馬德里呢場國家打吡身上；大樹好遮陰，輪到維拉利爾靜靜地發威，小弟上星期已經捉到呢支黃色潛艇反底，今次主場出擊，土耳其國腳尼赫治繼續大勇，對手維爾瓦上仗唔輸，完全靠球證幫手，今次點都要還嘞，再追維拉利爾贏3:1。法甲方面，圖盧茲係小弟近期愛隊，上仗捉正佢作客打低巴黎聖日耳門，周日主場對近況急跌嘅雷恩，取圖軍小勝1:0。
貼士
波膽過關3串7
星期六53羅馬勝4:0（16倍）x
星期日22維拉利爾勝3:1（11倍）x
星期日27圖盧茲勝1:0（5.5倍）
全中1,325倍