「索K會刺激交感神經令人興奮，嚴重會影響肝功能，破壞腦神經！」精神科專科醫生丁錫全指K仔躍升頭號青少年派對藥物雖是近年的事，但後遺症已經湧現，青少年長期濫服隨時索壞腦，影響一生。
丁醫生補充，近年求診個案佔八成都是索K的青年男女：「連14歲嘅乖乖女都畀同學引誘索K，K仔透過鼻黏膜吸好快衝上腦，藥力持續一至兩個鐘，當事人注意力會分散，仲出現幻覺聽到有人叫自己。」
本身是麻醉藥的K仔，何以氾濫成災？毒品調查科高級警司林曼茜分析「K仔細細包，一人索一下好方便，唔同食冰要工具咁麻煩。
一包K仔幾個人分
原來印度出口K仔冇管制，毒販運出傾銷，現時內地仲有儲存倉，十分猖獗。」有前線社工則指青少年在夜店玩樂習慣「一包K仔，幾個人分」，更絕的是毒販會另找年輕拆家，利用朋輩關係散貨，甚至入侵校園。
本報記者