羅琳的《哈利波特》、J.R.R.Tolkien的《TheLordoftheRings》、C.S.Lewis的《納尼亞傳奇》……奇幻潮基本上未停過。共同命運是由暢銷小說改編成電影。橋唔怕舊亦無懼濫，延續奇幻傳奇才是電影公司心之所繫。又講真，甚麼魔衣櫥人獸界，翻睇翻睇再翻睇都未厭，8個字講完：凌駕青春重拾童真。
不過，零頭新點子還是要有，明日上映的《魔幻羅盤》，話要以童書姿態攻陷成人世界。電影改編自英國作家菲臘普曼奇幻小說系列《黑暗元素三部曲》的第一集《TheGoldenCompass》（中文版第一集$81.9，大眾書局），故事發生在一個平行世界的國度，那裏的人類靈魂會以動物的形體出現，每個人都會有一隻守護靈獸；主人翁是一個12歲小女孩，為救朋友遠尋北極光……噱頭是細路睇會是個尋找自由意志的奇幻旅程；對大細路而言則高境界至反思自由、宗教與政治。係咪咁堅就要睇過至知，但陣容有妮歌潔曼、新占士邦丹尼爾基克，牌章靚極，睇怕又勢掀原著追讀潮，雙贏穩守試突擊，何樂而不為？
記者：吳佩璇