今年樂壇第一張成績表「2007年TVB8金曲榜頒獎典禮」前晚於將軍澳舉行，陳奕迅（Eason）、曹格及潘瑋珀各奪三獎成為大贏家，Eason早前聲言向亞太區最受歡迎香港男歌星獎目標進發，但前晚他卻遭容祖兒揶揄，指他應將信心留在下一年，因為祖兒覺得劉德華太厲害，就算缺席頒獎禮仍會得獎，似乎指Eason未夠班。
今年第一個樂壇頒獎禮「2007年TVB8金曲榜頒獎典禮」前晚在將軍澳舉行，陳奕迅（Eason）、曹格及潘瑋珀成為大贏家，各奪三獎，而Eason則與張韶涵分別獲得最受歡迎男、女歌手獎。
當Eason領取男歌手獎座時，該獎座莫名其妙地突然裂開兩截，對此Eason說：「我一拎上手就爛咗分開，好彩個波（設在獎座中）冇跌出嚟，TVB同我講會再整過個獎畀我。」Eason在今次頒獎禮成績理想，問他可有信心橫掃即將舉行的各大電台頒獎禮，Eason說：「吓？年尾都係少講為妙。」
期待衝出香港
Eason早前與李克勤不約而同表示正向亞太男歌星目標進發，期待衝出香港，並視之為奮鬥目標，似乎對獎項甚有信心，不過祖兒前晚聞言即笑說：「好鍾意佢對自己咁有信心，但叫佢留番下年啦，就算華仔唔嚟都會有獎，因為覺得華仔好勁，不過我都係估吓，唔知係咪唔到就冇獎。」
拒絕預測賽果
對於祖兒指Eason應將信心留在明年，Eason前晚續說：「我都認同嘅，因為只係我上次同克勤講開朝亞太男歌手呢個方向目標去，要行出香港，作為奮鬥目標。」提到Eason上年獲得四台聯頒男歌手獎項，他說：「呢啲係公司成team好好成績，今年賽果唔會預測。」
採訪：卓美娟、李珮洳
攝影：林德雄、陳俊強
TVB8金曲榜頒獎典禮部份得獎名單
最受歡迎男歌手獎：陳奕迅
最受歡迎女歌手獎：張韶涵
內地觀眾最愛男歌手獎：潘瑋珀
內地觀眾最愛女歌手獎：張靚穎
TVB8金曲榜金曲金獎：《玩酷》潘瑋珀
TVB8金曲榜金曲獎：《這該死的愛》張靚穎、《玩酷》潘瑋珀、《淘汰》陳奕迅、《不痛》張韶涵、《完整演出》黃義達、《Superman》曹格、《飄零燕》Twins、《木紋》何韻詩、《借我一生》水木年華、《小小》容祖兒
最佳歌曲監製獎：《淘汰》陳奕迅
最佳編曲獎：《淘汰》陳奕迅
最佳組合獎：金獎TWINS、銀獎水木年華、銅獎Krusty
最佳唱作歌手獎：金獎曹格、銀獎陳秋霞、銅獎方大同
金曲獎最佳新人獎：金獎尚雯婕、銀獎厲娜、銅獎陳柏宇
全球觀眾最愛粵語歌曲獎：《心花怒放》容祖兒、《酷愛》張敬軒（圖）、《富士山下》陳奕迅
資料提供：TVB8金曲榜
