莫文蔚（Karen）日前在台灣宣傳新碟時，忽然自爆與拍拖8年的馮德倫於今年分手，外界無不感到驚訝，因今年9月德倫接受訪問時，曾表示有意明年迎娶女友，但想不到事隔不到5個月，二人關係已覆水難收。不過外界質疑Karen只是為谷新碟搞宣傳，因本月初有人目睹兩人在一間餐廳食飯。
黑面上北京
Karen昨早在港機場準備乘飛機赴北京出席一個頒獎禮，初時她見到記者都有報以微笑，但當記者追問她為何要與馮德倫分手，她卻沒有回應，只報以微笑，當被問到有沒有第三者，她更黑面入閘。
在分手事件後，馮德倫昨晚在柴灣工業城首度接受訪問，他看來滿面鬍子，十分憔悴。對於有報道馮德倫與莫文蔚分手，是因為他認識了有夫之婦，他否認說：「我哋分手根本冇第三者，完全係因了解而分手，但我哋仲係好好嘅朋友，呢一段感情係好刻骨銘心，我好感謝喺我事業最唔順嘅時期，佢一直喺身邊支持我，以後我會好好珍惜呢段回憶。」
對於有指他倆是假分手，他說：「我哋拍拖都係好低調，點會搵分手嚟做宣傳？不過分手之後，我承認間中會同佢食飯，因為佢仲係我好關心嘅朋友。」
採訪：張俊銘、魯萍
攝影：葉君海、陳慧安
