17/12/2007.....
天陰
最新動態
周日欣賞兩場英超大戰，對宿命又有新看法；睇住利物浦主場佔盡上風，兩次空門失機，轉頭就因為中場班拿約犯咗腦筋上嘅錯誤，俾曼聯前鋒泰維斯偷雞入1球，就咁俾曼聯守到尾。好似上季對碰一樣，利物浦再一次贏形勢輸波。
另一場，倫敦超級打吡大戰，阿仙奴可以逆轉宿命，打破之前3季喺英超聯未贏過車路士嘅宿命；阿仙奴隊長加拿斯把握車仔門將施治一次錯誤，以1:0贏波。不得不佩服上星期《拉闊足球場》節目中，遠在倫敦的讀者KK，他話阿仙奴之前一向剋住車路士，只係車路士由摩連奴執教後，才可以反壓阿仙奴；今次車路士冇咗摩佬領軍，阿仙奴可以贏番次，KK果然有料到。
星期三，兩支敗軍車路士同利物浦，就係英賽盃對碰，信宿命嘅話，紅軍近年盃賽對車路士都贏多輸少，盃賽我始終信番利物浦多啲。
http://hk.myblog.yahoo.com/footballexperts/
逢周一至五見報
牽牛
股市大旺，英超盛世，大家齊來贏多啲！