【記者蔡元貴報道】耗資逾七億元的消防處第三代調派系統，一再發生故障，阻延救護車救急扶危。昨晨8時45分至9時30分，該套指揮全港消防車及救護車的電腦，突然反應遲鈍，有控制中心人員透露，系統尋找適當救護車的時間，是平時的五倍，嚴重影響救援速度。
第三代系統多次出錯
歷時45分鐘的故障，導致全港救護車調派陷入一片混亂。有控制中心人員透露，正常情況下，調派系統接獲999求助電話後，一分鐘之內便可找到適當的救護車，開往召援現場，但昨日早上系統反應非常遲鈍，平均每宗個案都要用上５分鐘。
「喺救護專業嚟講，５分鐘好緊要，頭暈腳痛都話等得吓，如果係昏迷嘅case，冇氧氣５分鐘就死得。」該名消防處職員指出，這部昂貴電腦自前年投入服務以來，故障頻生：「系統係用全球定位調派救護車，試過電腦顯示出嚟嘅地圖畫面，系統要求調派嘅救護車，喺個海度！」
消防處平均每分鐘接獲一宗救護召援，45分鐘故障，足以影響45宗救護服務。消防處表示，該段時間內系統反應比平時慢，立即通知承辦商搶修，承辦商需要緊急使用後備系統，繼續調派工作，故障原因昨日仍在調查中。
香港消防處救護員會主席屈奇安則說，昨日的故障牽連頗大，由於電腦未能準時調派救護車，召援個案不斷積壓，直至中午過後，仍有大量個案未清理：「噚日好亂，唔只出車慢咗，系統調車仲亂晒龍；港島車調咗去九龍，九龍車又調返港島，好多車派錯晒，冇辦法達到12分鐘到達現場嘅服務承諾。」
他說，第三代調派系統已多次出錯，怪事頻生：「有好多次重複調派救護車做同一單case，我哋叫做『老重』，白走一趟唔緊要，但係咁會間接影響下一單case嘅出車時間。」