潮擁黑白聖誕

再過一星期就到聖誕，除了食聖誕大餐搞party外，幫屋企扮靚佈置就可以增添節日味道。如果無時間自己做聖誕裝飾，又不想買市面上一般裝飾品粉飾家居，室內設計師Crystal就醒大家幾招，黑白色和羽毛係近年聖誕潮trend，而花王就話潮流興環保，買棵真樹代替聖誕樹，襟擺又有觀賞價值！

記者：葉雪芯　
攝影：王文忠
鳴謝：NoBeing（23590088）

由窗台枱布着手

聖誕節想佈置屋企，有時真係唔知點落手。B&Q室內設計師Crystal話，首先可以從客、飯廳落手：「一般家居可以在窗台位放一棵座枱的小聖誕樹，或者在窗邊掛一些波波掛飾，已經好有氣氛。至於飯廳，就從餐桌椅着手，例如鋪上有聖誕氣氛的圖案枱布，在餐椅背上綁上絲帶蝴蝶結，或在枱上放上蠟燭台，營造聖誕氣氛。」

今年興mono-tone

年年聖誕節都係傳統的綠襯紅，其實聖誕佈置都有trend可講，今年唔再興紅綠，而是黑白。「現今家居的設計多數好modern，不少家庭以白色、簡約風格為主，今年的聖誕其實可以玩得hip一點，流行mono-tone，即係黑白顏色。例如聖誕樹唔一定要綠色，可以用全白。另外，今年亦流行用白羽毛裝飾，一來感覺較華麗，二來亦有雪的效果。若家居設計以木顏色為主，就應該用番紅綠色做主調，感覺和諧溫暖。」

1.樹頂白色星星裝飾$28

2.心形木裝飾$19

3.白底黑花吊波$18

4.黑白色圓吊飾$18

5.木馬仔$19

6.彩色波波掛飾每個$15

7.銀白吊飾$18

8.木士兵$19

9.黑色閃片吊飾$18

10.銀白樹枝飾物$18

11.聖誕雪人信插$30

12.聖誕鹿信插$30

13.睡房方面，Crystal不建議用太花巧的裝飾，只需在梳裝鏡附近掛小飾物便夠。

14.簡簡單單在飯廳的椅背綁上絲帶蝴蝶結就已經好靚。

15.在外國，飯枱是一定要裝飾的，皆因是ChristmasParty的重心，是以鋪上有聖誕氣氛的枱布便成為佈置重點。

16.羽毛是今年聖誕佈置飾物的新寵，華麗又有落雪效果。

17.如果家居設計是以淺色、簡約或白色為主，可考慮以白銀色飾物作佈置。

松柏杉樹代替

不過香港地方細，樓底又唔係高，無可能放到一棵真的聖誕樹。除了以膠聖誕樹代替外，近年亦流行以其他植物扮聖誕樹，B&Q花王麥Sir話：「松柏、杉科類植物近年好流行，呢種植物外觀形狀似聖誕樹，但易打理，而且不會長得太高，最啱香港家庭；而且佢哋壽命長，一般最少可放上幾年至幾十年，聖誕後拆晒啲裝飾，又可以當觀賞植物美化家居。」