歐陽震華（Bobby）、湯盈盈和梁靖琪（Toby）昨日為了宣傳無綫新劇，大做瑜伽動作，卻因此考起骨頭硬邦邦的Bobby，他笑着向記者說：「你哋影唔影到我眼有淚光？」相反湯盈盈和Toby柔軟度十足，輕易做出各種彎身拗腰動作，Toby彎身時更不慎春光乍洩。
無綫劇集《兩妻時代》演員包括歐陽震華、梁靖琪和湯盈盈等昨日在旺角一間瑜伽中心宣傳，眾藝員分組學習簡單瑜伽動作。Bobby和湯盈盈這組笑料百出，肥嘟嘟的Bobby多個動作都未能符合標準，稍為出力即面紅紅周身汗，其間要做出互相輕按腰間的動作，但Bobby一按到盈盈的纖腰即縮手，只敢搭着女方的肩膊，事後Bobby笑說：「費事啦，佢又打出條腰，不過佢最靚係啲腳趾。」
盈盈搞大個肚
玩完瑜伽後，Bobby向記者說：「你哋影唔影到我眼有淚光？」接着又說：「我啲筋好緊吖，細個時都有睇電視做過啲運動，第一次到瑜伽中心，我平時返工都好大運動量㗎。」
湯盈盈剛剛從日本錄影完新一輯《獎門人》返港，她說：「玩遊戲搞到我手腳瘀晒，不過喺日本一日食六餐，今次真係俾《獎門人》搞大我個肚喇。」對於有網民狠批Toby演技浮誇，陀衰《兩》劇，盈盈說：「吓？唔係嘛，反而我覺得自己好誇張，佢會平衡啲，佢個角色細路女，我就好成熟，啲衣着都好性感，但後期就會收斂。」Bobby也力撐Toby演技進步，唯一是不懂看中文較蝕底，他還安慰Toby說：「唔會樣樣都盡得人心，觀眾有唔同心水，每套劇都係一個訓練。」
Toby接納批評
Toby也接納批評意見，並說：「已經一套比一套俾人話少咗，人哋話你好過冇人話你。我都知自己係新人，有時講對白聲線唔係幾好，我已經搵老師學緊廣東話。」至於網友彈她腿粗，Toby說：「冇所謂啦，接套劇時監製已經話想我同盈盈有個大對比，我唔係完美，咪慢慢減囉。」
採訪：卓寶花
攝影：陳慧安
