Twins的蔡卓妍（阿Sa）近排因演出的《阿Sa真人Show》備受批評，心情欠佳，前晚她出席《2007年TVB8金曲榜頒獎典禮》時，自爆日前於Prada購物時，巧遇四姨太梁安琪，四姨太還送了個價值6千多元的新款手袋給她，不過四姨太卻不肯送禮物給鍾欣桐（阿嬌）。
組合Twins前晚出席將軍澳廣播城舉行的《2007年TVB8金曲榜頒獎典禮》，成員蔡卓妍自爆日前於Prada購物時，巧遇賭王四姨太梁安琪（Angela），四姨太還給她送上禮物，令她喜上眉梢。阿Sa說：「見到Angela時，大家打晒招呼，Angela話要送份禮物畀我，我已經諗住推搪，但後尾揀咗個最普通款式，大約2千幾蚊。點知佢話呢啲咁嘅款式喺深圳大把A貨，叫我揀嗰個，仲幫我揀咗新款嘅袋，之後我拎畀阿嬌（鍾欣桐）睇，佢話個袋要成6千幾蚊。」
影視處接3投訴
阿Sa獲得四姨太厚待，也未有遺忘好姊妹阿嬌，她稱：「我都有諗過幫阿嬌謀福利，Angela睇中咗條花裙，話好啱我做騷着，我就同Angela講話阿嬌身材好過我，啱佢多啲，但佢都無動於衷。我講吓笑啫，好過意唔去，好多謝佢，Angela好nice，過時過節好錫我哋，會畀利是。」
另外，阿Sa昨日接受商台節目的電話訪問，對於她主持的《阿Sa真人Show》受到批評，阿Sa表示潮流興抨擊，所以她已習慣了。她坦言曾因批評而不開心，但竟然獲四姨太梁安琪送上手袋作安慰禮物，令阿Sa跌落谷底的心情，即時反彈。而影視處昨日接獲3宗有關阿Sa主演的《阿Sa真人Show》投訴，指內容有不良影響，以及節目中藝人樹立壞榜樣，而該節目前晚收視23點（約149萬觀眾），比上周跌了3點。
賭王領教美高梅
此外，賭王何鴻燊及梁安琪前晚在澳門，為「2007歌舞星輝耀濠江」滙演領舞，大跳ChaCha。賭王大讚四姨太舞技，𠱁得她十分高興，他說：「唔使練，合作咗咁多年，好熟手。太太已經係教授，我就比較失禮，拍檔咁耐，我多少都學到啲野。」問到其女兒何超瓊有份搞的澳門美高梅金殿（MGM）今日開幕，賭王表示受邀請，一定捧場，他不失牙擦本色說：「都好高興，等咗咁耐，都好，Pansy（何超瓊）都想領教吓，跟吓MGM。」
採訪、攝影：卓美娟、李珮洳、羅慧敏、林德雄
