陳玉蓮前晚以義工身份喺沙田出席「香港儒釋道就職典禮」活動，佢話自己冇宗教信仰：「成日出席呢類活動，係想將自己智慧領域擴闊啲，而且我同現場嘅道教教友識咗好耐。」蓮妹啱啱拍完無綫劇，佢話：「開拍前把聲唔舒服，到𠵱家未完全康復，所以要睇無綫安排幾時配音。」問佢會唔會再拍劇，蓮妹話：「暫時未有去向，會以義工工作為主。」