本月26日BoxingDay，有個全港最大嘅「盒」等大家去打開，就係九龍灣MegaBox，佢哋嗰日會有低至一折嘅瘋狂減價貨品。
其實，外國店舖都會喺「節禮日」大減價，教堂仲會將捐款箱善款分畀有需要人士，MegaBox嘅「MegaBoxingDay」照辦煮碗，商場內多間商戶都推出超級優惠，包括時尚服飾、飲食娛樂、電器及家居用品等，低至一折，唔少仲只此一天。
嗰日仲有「100聖誕禮物盒慈善義賣」，100個設計師，包括插畫家楊學德、黎達達榮等各自設計聖誕禮物盒，然後以200蚊義賣，每個仲附送價值120蚊嘅NovoConceptT恤、《北極快車》IMAX戲票兩張等，籌得善款全數撥捐奧比斯。
逢周一至周四刊出