【本報訊】有經常穿梭各大賭場的港客說，澳門賭場搶客激烈，但「好睇唔好食」。全新開張的大型賭場要向傳統賭場「借將」，並招攬內地「臨記」撐場造勢。另外，澳門警方昨首次偵破女大耳窿集團，又拘捕串同友人偷籌碼的年輕荷官。
永利星際受衝擊
澳門大學博彩管理課程主任蕭志成指出，威尼斯人度假村開幕後，吸引了不少旅客，傳統賭場過去一年人流明顯減少。美高梅主要走高檔路線，附近同級的永利及銀河的星際賭場，相信將受到較大影響。
81年起經常到澳門「玩幾手」的香港的士司機夏先生說，隨着大型新賭場開幕，舊式賭場客源明顯減少，「唔少賭場全日只得幾個客，『賊船』最近仲收檔唔做。」他說：「我認得班叠碼仔，好多插幾支旗，由舊場跳去新場撐場造勢，等個新場睇落好似好多人咁。」他更指，部份新賭場以日薪一百元，請來內地人做「媒」扮賭客撐場。
有博彩業人士指出，澳門開放賭權後，活躍賭場的有背景人士，雖沒有回歸前爭地盤火併場面，但新舊賭場仍存在不少複雜問題。澳門司警昨日就拘捕三名涉嫌放高利貸的內地女子；另接獲賭場報案，拘捕一名年輕荷官，指他涉嫌串同朋友偷籌碼。