古巨基日前喺廣州出席歌友會，場館原本可以容納3,000人，但因為出現大量假票，令到手持真票嘅歌迷迫唔入場館，好多歌迷喺場外鼓譟，有啲仲打算爬窗入。活動期間，基仔落台同歌迷握手都引致群情洶湧，保母車又俾大班人包圍，有人仲爬上車頂，搞到架車花咗，最後基仔要出動調虎離山之計先可成功離開。