最新動態
19/12/07.....
天晴
「女人心，海底針」，其實要捉開盤手心理，絕對唔易得過追女仔；最近英超嘅愛華頓開緊條長勝路，反而開盤越嚟越縮，好似同你玩緊心理戰一樣。
愛華頓可以話係近期歐洲盤王，連埋歐協盃已經連贏9口盤，受讓固然穩執，就算讓得狠，亦幫投注者食晒成個盤；好似11月初主場對伯明翰，讓到半/一盤，都可以90+入兩粒贏3:1，上盤贏晒成個。上周兩鬥韋斯咸，開盤手就搞到你覺得愛華頓就嚟斷；上周中聯賽盃，愛華頓靠完場前幸運入球，2:1反勝韋斯咸，上周六聯賽再戰，愛華頓唔使讓不特止，仲開個平手盤高水你賭，結果贏得仲易，贏到2:0。
好嘞，周四歐協盃愛華頓作客荷蘭嘅阿爾克馬爾，開盤手竟然開到阿軍讓半/一；嘩，一支12場未輸過球隊，輸兩球先輸晒成個盤，係咪好筍呢？今次我唔會俾開盤手「氹」到，點都捉番住主W，點解？愛華頓周末要鬥曼聯，佢哋幾唔like朗尼先得㗎！
牽牛
股市大旺，英超盛世，大家齊來贏多啲！
http://hk.myblog.yahoo.com/footballexperts/
逢周一至五見報