名模姚書軼（Mikki）、陳嘉容和AnaR.等昨日在中環為Loewe行騷，Mikki性感真空透點，與陳嘉容的透視豪華臀互相輝映。Mikki大方表示寧透點也不願用乳貼變「荷包蛋」，又自言會剪存自己行騷的報道及照片包括透點相，現已儲存多過「21點」。
西班牙名牌Loewe近年設計越見優雅美麗，昨日在中環七號碼頭舉行2008春夏系列，一片藍白色的希臘風情，清新動人。姚書軼、陳嘉容、AnaR.和內地名模劉丹及戴小奕等行騷，Mikki示範一襲藍花白裙時，性感透點。
「放開啲畀大家睇」
事後Mikki表示不介意透點行騷，她說：「今年最後一次啦，明年再嚟過，之前大會都有問過我介唔介意，作為一個專業model，外國行騷都係咁。」她笑着說：「我都有試吓貼乳貼，貼咗好似荷包蛋咁，係未熟嘅荷包蛋，都係放開啲畀大家睇啦，做呢行難免，梁朝偉咁紅，拍戲都要露埋其他部位啦。」
Mikki又透露會剪存自己行騷的報道及照片，連透點相都有，記者笑問儲起可有21點？她笑說：「多過21點。」她又指幸好男友Sunny也是模特兒，所以接受度較高，但仍未能接受兩人合拍裸照。
同場陳嘉容穿白色薄紗jumpsuit，豐滿下圍表露無遺，她在台上也顯得十分尷尬。事後她說：「因為我凍到流鼻水，fitting時已經知條褲幾透視，都好sexy，都做咗咁多年，唔通着肉色絲襪咩。」
薄褲出賣豪華臀
一向拒絕性感兼打足底的她，被透視褲出賣其豪華臀，陳嘉容說：「十個女仔九個都唔滿意自己身材，我就覺得自己OK，比例幾均勻，多謝個天，我會感恩。」
採訪：RitaLeung
攝影：ChenWaiOn
