鄭融噚日接受商台節目嘅電話訪問，最近佢為廣告商拍嘅三段失儀宣傳短片放咗喺網上任人睇，點知惹嚟網友批評，鄭融話廣告商原意係想大家有思想同談論空間，佢承認睇完啲報道覺得唔開心，佢話：「因為件事係正面嘢，但報道寫到好誇張，總之個片段係想講對生活嘅睇法，唔好受外間束縛影響自己嘅心情。」