「你係石頭爆出嚟㗎！」「唔知喎，執你返嚟養嘅！」打開報紙，近日常有少男少女「出事」的報道，父母若不及早向子女灌輸正確性教育，分分鐘提早「榮升」當祖父母。
網民「小木偶媽咪」問：「幾時開始灌輸性教育知識？」她說在女兒兩、三歲時已開始教她，「bikini（比堅尼泳裝）睇唔到嘅部位唔可以俾陌生男性睇同摸……。」眾媽媽一呼百應，「甚麼男人都不行，甚至爹哋！」
道理雖然正面，但幾十歲人教幾歲人仔性知識，少不免出現騎呢場面。媽咪「曲曲」某日替兒子洗澡時，囝囝指着睾丸問：「呢個乜嚟㗎？」曲曲答道：「睾丸！」兒子天真無邪再問：「有乜用？」媽咪惟有硬着頭皮說：「畀精子住。」兒子鍥而不捨地問：「精子係乜？」媽咪只好以「長大後生BB用嘅」來打圓場。
精子似蟲嚇親細路
怎料，丈夫補充一句說：「精子好似蟲蟲咁」，嚇得小孩一臉驚恐。看來，除了知識要正確之外，用詞也要「兒童適宜」呢！
http://forum.baby-kingdom.com/viewthread.php?tid=1232278&extra=page%3D6
《蘋果》網聞請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]