廖碧兒及楊崢昨日在鴨脷洲出席法拉利新車發佈活動，該品牌的高層更親自駕駛最新型號跑車430Scuderia載着碧兒進場，實行以美人配香車。
享受香港靚景
該部法拉利430Scuderia暫時全港只得一部，定價超過300萬港元，問碧兒會否希望擁有，她笑說：「有人送都OK，但自己買就唔會，要買都買電話先。」被問到會否要求男友揸靚車接載她時，碧兒說：「唔會，冇咁特別要求，有朋友接送都好開心，平時做呢樣嘢係我爸爸，其他人都好難做到呢樣嘢，尤其係同行。」
那麼緋聞男友陳豪是否沒有時間接載她？碧兒說：「做呢行比較少啲私人時間。」她揚言未試過與陳豪結伴遊車河，又表示如果擁有一部靚車，會好好享受香港的優美環境，可惜暫時未有機會。
碧兒還以男士來比喻一部靚車，她說：「靚車要有內涵，外形好似身形咁大隻。」問陳豪可符合她心目中的要求，碧兒並沒有正面回答，只說：「男士要有好身形先好睇。」提到近日陳豪消瘦不少，碧兒表示沒有特別留意，只說：「欣賞一個人唔係淨係留意佢其中一樣嘢。」
採訪、攝影：張俊銘
