朗尼好彩唔使穿頭！我求大俠之所以咁講，係周日曼聯作客利物浦嗰陣，朗尼又俾晏菲路球迷掟嘢作攻擊對象。記得05年嗰陣朗尼嚟到呢個球場，俾球迷用手機掟中，之後條友仲被警察拉咗。事隔兩年，周日朗尼又差啲俾高爾夫球擊中，好彩個球迷眼界差咋，唔係佢實見紅啦！朗尼今次唔使穿頭，真係要快啲還神喇。