地產代理監管局行政總裁陳佩珊，早輪先攞完個「中國百名傑出女企業家」頭銜，噚日已經出動去視察地區代理工作，聽講去勻晒幾間大中型行。
佢視察嘅代理分行，其中一間係美聯喺大角嘴嘅維港灣分行，作為新鮮出爐嘅傑出企業管家，陳總裁非常親民，親自向一眾代理講解規管概念、點樣辨別洗黑錢問題、同埋推介當局向代理提供嘅進修津貼計劃。
跟住佢仲親手派埋小冊子同宣傳單張，勸大家學好兩文三語，遇着大陸客都有把握啲，如果普通話太普通，就更加要惡補多幾堂。
作為一個自命熟悉中港兩地文化社會生活嘅老記，華華會咁樣諗，係咪陳總裁啱啱攞完一個內地頭銜有感而發呢？點解會特別強調學好普通話同洗黑錢嘅？