花旗集團抄滙控（005）救SIV條橋，但市場好似唔多受，由於資本充足比率裏面嘅一級資本下跌，即刻被信貸評級機構調低評級，仲暗示遲啲可能會再降評級，點算？花旗股市嘅反應話咗畀大家知，上個禮拜五道指跌咗超過1巴仙，走勢好曳。
除此之外，全球最大債券保險商MBIA同另一間同業機構俾穆廸調低評級，同時亦有兩家債券保險機構被列入觀察名單，次按風暴好可能已經殃及保險業，如果爆煲嘅消息一浪接一浪，花旗股市就NOEYESEE嘞，大家要睇實啲。港股今日都係「瓜多過菜」，短炒只宜小注。
網通C輪6736：網通（906）上周五收24.1元，逆市升2.7巴仙，短線睇26元，可以買啲C輪6736短炒，槓桿率5.4倍（有效3.7倍），對冲值0.69。
網通升上26元，6736應該唔會低過58仙，正股跌穿23元止蝕。