日本男歌手Gackt前日出席咗《機動戰士高達》嘅劇場版DVD公開發售紀念活動，仲以嘉賓身份致送鮮花畀導演。Gackt賣口乖話高達動畫入面嘅對白橫跨時代，係日本嘅財產喎，又透露自己有份參與後日推出、以高達為主題嘅原聲大碟製作，佢話：「雖然我只係為其中一首歌作曲，但力求完美，最後用咗四個月先完成，真係搞到我神經衰弱。」