呢排西甲唔知搞乜，個個都爭住做「紅牌阿姑」，繼上周8名球員被逐出場後，今周又有7個攞紅牌。好似周日西維爾有法斯奧同路爾斯法比安奴被逐，結果0:0和華拉度列唔使輸；艾美利亞就冇咁好彩囉，又係有艾卡錫廸同高賓奴兩個領紅，最後反輸貝廸斯1:3。嚟緊就到聖誕節，希望各位唔好踢得咁火，過番幾個平安夜好過啦！