鄭希怡（Yumiko）前晚電了一個爆炸頭亮相手錶活動，被笑指似麥當勞叔叔，她又尷尬直認執徐子珊二攤，與周柏豪在新片上演姊弟戀。同場的房祖名則指母親林鳳嬌教育他勿學父親成龍般花心，要精挑細選一個老婆。
鄭希怡、房祖名和羅明珠等，前晚亮相尖沙嘴手錶品牌U-Boat活動，名模AnaR.、熊黛林和LisaS.等穿着野性黑皮褸及皮裙行騷，性感型格集於一身。電了一個爆炸頭的Yumiko，與麥當勞叔叔的髮型十分相似，她聞言即笑說：「啋！其實因為之前駁長髮拍電影，呢幾日唔使拍，我咪試吓新髮型囉，我都用咗20分鐘去接受呢個造型。」
「唔介意，我都試過」
Yumiko謂下周將參演電影《戀戀SOHO》，徐子珊曾推演此片，Yumiko豈非執二攤？她聞言面露尷尬神色，但直認說：「係呀，冇所謂啦，有機會拍就得啦，我同周柏豪喺入面有啲姊弟戀嘅感覺。」問她可會介意姊弟戀？她說：「唔介意，我都試過。」提到早前《歡樂滿東華》表演，被拍到她與周汶錡鏡頭前合拍，鏡頭後互不理睬，Yumiko即說：「唔需要再回應，唔好越描越黑。」
房祖名獲大會送贈價值30,000多元的手錶，他早前與母親林鳳嬌行街被偷拍，他即時用身體遮掩母親，他說：「係呀，媽咪察覺能力比較低，又好低調，今次係我哋三、四年嚟第一次行街，係去買提子。」
祖名拒學老竇花心
祖名又表示母親沒有催婚，他說：「老婆得一個咋，要慢慢搵，唔係個個都好似老竇咁幸運。」母親可有下令勿學父親般花心？祖名說：「有呀，總之由細到大，媽咪都叫我揀老婆要精打細算。」
採訪：顏英儀
攝影：仇志德
