失業煩，有工返又煩！即將返新工的「地球人」，懷疑自己患上「新工恐懼症」，「好驚，人哋有工返應該好開心，但唔知點解我情緒低落。我係驚到想喊，我驚做得唔好，驚畀老細鬧，同啲同事唔好。」網友安慰他：「當返學囉！」「越驚就越唔想返工，主動啲跟同事溝通。」
放心，醫學上並無新工恐懼症。中大精神科學系教授李誠說，上工前出現情緒問題，有三大可能：「本身已有情緒病或抑鬱症，將一啲普通人好易應付嘅問題，壓力放大幾十倍。也可能曾經有不愉快工作經驗，俗稱『見過鬼怕黑』，或者新工是出名『惡做』。」
上班族應向好處想
李誠認為上班族毋須擔憂，「如本身有病，當然唔可以諱疾忌醫。接受心理輔導，可治療過去不愉快嘅工作經驗，至於面對『惡做』嘅工作，可以安慰自己，先騎牛搵馬，有時未必咁惡劣，人夾人緣，可能佢好夾老闆呢！」有網民想請問大教授，醫學上有冇「老闆恐懼症」？
http://www.one-forum.com/viewthread.php?tid=35988&extra=page%3D2&page=1
《蘋果》網聞請你報料！大家無論在網上網外發現任何騎呢搞笑的事情，都歡迎提供照片或短片資料。一經採用可獲酬100元
請附姓名、電話及電郵地址，
電郵到：mailto:[email protected]